ការគ្រប់គ្រងកញ្ចប់វិនិយោគមូលបត្រគឺជាសិល្បៈ
និងវិទ្យាសាស្ត្រនៃការសម្រេចចិត្តអំពីបន្សំ និងគោលនយោបាយវិនិយោគ
ដោយផ្គូរផ្គងការវិនិយោគច្រើនប្រភេទទៅតាមគោលបំណងវិនិយោគនិងថ្លឹង
ថ្លៃងអំពីហានិភ័យនិងលទ្ធផលរបស់វា។
ការគ្រប់គ្រងការគ្រប់គ្រងកញ្ចប់វិនិយោគមូលបត្រគឺសិក្សាអំពី
ចំណុចខ្លាំង ចំណុចខ្សោយ
ឱកាសនិងការគំរាមកំហែងនៅក្នុងការជ្រើសរើសភាគហ៊ុនធៀបទៅនឹងបំណុល
វិនិយោគក្នុងស្រុកធៀបនឹងក្រៅស្រុក
កំណើនវិនិយោគធៀបនឹងសុវត្ថិភាពវិនិយោគ និងការជ្រើសរើសផ្សេងទៀត
ក្នុងគោលបំណងដើម្បីធ្វើឲ្យអតិបរមានៃអត្រាប្រាក់ចំណេញត្រឡប់មក
វិញ។
អ្នកអាចប្រើប្រាស់យុទ្ធសាស្ត្រដែលបានពិភាក្សាកន្លងមកណាមួយដែល
អ្នកចូលចិត្ត និងគិតថា ដំណើការបានល្អសម្រាប់អ្នក
ដើម្បីប្រើប្រាស់ក្នុងការគ្រប់គ្រងកញ្ចប់វិនិយោគភាគហ៊ុនរបស់អ្នក
ជាពិសេសសម្រាប់អ្នកដែលប្រកបអាជីពជាអ្នកគ្រប់គ្រងកញ្ចប់វិនិយោគ
ភាគហ៊ុន។ ផ្នែកបន្ទាប់នេះ
នឹងលើកឡើងត្រួសៗអំពីរបៀបនៃការគ្រប់គ្រងកញ្ចប់វិនិយោគភាគហ៊ុនឲ្យ
បានជោគជ័យ។
ការគ្រប់គ្រងកញ្ចប់វិនិយោគភាគហ៊ុនឲ្យមានប្រសិទ្ធភាព
ជាកត្តាដ៏សំខាន់មួយសម្រាប់កំណត់នូវភាពជោគជ័យនៃការវិនិយោគក្នុង
ទីផ្សារភាគហ៊ុន។ វិនិយោគិនជាច្រើន
ដែលតែងតែលើកឡើងអំពីការវិនិយោគលើភាគហ៊ុនច្រើនប្រភេទក្នុងកញ្ចប់
វិនិយោគតែមួយ គឺដើម្បីបង្ការនូវហានិភ័យ ប៉ុន្តែការលើកឡើងនេះ
ត្រូវបានវិនិយោគិនល្បីល្បាញមួយចំនួនគិតថា
ជាវិធីមួយមិនសូវបានផលទេ ដូចដែលលោក Warrant Buffett
លោកបានលើកឡើងថា “ វិនិយោគលើភាគហ៊ុនច្រើនប្រភេទ
គឺជាការទប់ស្កាត់ប្រឆាំងនឹងភាពល្ងង់ខ្លៅ ”។
វិនិយោគិនទិញភាគហ៊ុនច្រើនប្រភេទសង្ឃឹមថា
នឹងអាចកាត់បន្ថយនូវហានិភ័យ ប៉ុន្តែ
វិនិយោគិនក៏កាត់បន្ថយនូវប្រាក់ចំណេញផងដែរ។ ដូចនេះ
វិនិយោគិនក៏ត្រូវសួរខ្លួនឯងថា តើគោលដៅចម្បងនៃការវិនិយោគ
គឺបង្កើនឬក៏បន្ថយនូវប្រាក់ចំណេញ?
លោក William J O’Neil បានលើកឡើងថា “វិនិយោគិន
រក្សាទុកភាគហ៊ុនប្រភេទផ្សេងៗគ្នាកាន់តែច្រើន
វិនិយោគិនកាន់តែមិនបានយល់ដឹងឲ្យបានស៊ីជម្រៅអំពីភាគហ៊ុនណាមួយឡើយ
។ លទ្ធផលដ៏ល្អបំផុត
ជាទូទៅសម្រេចបានតាមរយៈការផ្តោតតែលើភាគហ៊ុនណាដែលយើងយល់ដឹង
ច្បាស់ ប្រៀបដូចជាដាក់ស៊ុតជាច្រើនរបស់អ្នកក្នុងកញ្ច្រែងពីរ
ឬបីដែលអ្នកដឹងច្បាស់លាស់ ហើយឃ្លាំមើលយ៉ាងប្រុងប្រយ័ត្ន ”។
នេះមានន័យថា
ការចាត់ចែងនិងគ្រប់គ្រងកញ្ចប់វិនិយោគភាគហ៊ុនឲ្យមានប្រសិទ្ធភាព
គឺមិនមែនរក្សាទុកភាគហ៊ុនច្រើនប្រភេទខុសៗគ្នា
ដើម្បីកាត់បន្ថយហានិភ័យនោះទេ ប៉ុន្តែ
គឺត្រូវផ្តោតតែទៅលើបណ្តាភាគហ៊ុនណាដែលបង្ហាញលទ្ធផលល្អបំផុត
និងបញ្ឈប់ការខាតបង់ ដោយលក់វាចេញយ៉ាងលឿន
នៅពេលវាឈានចូលដល់ចំណុចជាក់លាក់មួយដែលត្រូវលក់ចេញ ។
មានទ្រឹស្តីមួយចំនួនអំពីការគ្រប់គ្រងកញ្ចប់វិនិយោគភាគហ៊ុន
ដោយអាស្រ័យទៅតាមប្រភេទវិនិយោគិនដែលបានលើកឡើងកន្លងមក
(វិនិយោគលើតម្លៃ វិនិយោគលើចំណូល វិនិយោគលើកំណើនជាដើម)។
នៅទីនេះ
យើងសូមលើកយកការអនុវត្តដ៏ល្អបំផុតមួយនៃការគ្រប់គ្រងកញ្ចប់
វិនិយោគភាគហ៊ុនដែលរួមមាន៖
• ត្រូវបែងចែកសាច់ប្រាក់ឲ្យបានត្រឹមត្រូវ
• សាច់ប្រាក់ប៉ុន្មាននិងពេលណាត្រូវវិនិយោគ
• ធ្វើខ្លួនឲ្យអ្នកក្លាយជាអ្នកជ្រើសរើសមូលបត្រយ៉ាងម៉ឺងម៉ាត់ និងវិនិយោគសាច់ប្រាក់របស់អ្នកទៅក្នុងមូលបត្រនោះ
• លក់ភាគហ៊ុនចេញដើម្បីទទួលបានប្រាក់ចំណេញ និងបញ្ឈប់ការខាតបង់ភ្លាមមុនពេលខាតច្រើន។
