សូមស្វាគមន៍មកកាន់ក្រុម ឡាយអិន: ប័ណ្ណភាគហ៊ុន: ការគ្រប់គ្រងកញ្ចប់វិនិយោគមូលបត្រ ភាគ ៣ បញ្ចប់

ប័ណ្ណភាគហ៊ុន: ការគ្រប់គ្រងកញ្ចប់វិនិយោគមូលបត្រ ភាគ ៣ បញ្ចប់

មានទ្រឹស្តីមួយចំនួនអំពីការគ្រប់គ្រងកញ្ចប់វិនិយោគភាគហ៊ុន ដោយអាស្រ័យទៅតាមប្រភេទវិនិយោគិនដែលបានលើកឡើងកន្លងមក (វិនិយោគលើតម្លៃ វិនិយោគលើចំណូល វិនិយោគលើកំណើនជាដើម)។ នៅទីនេះ យើងសូមលើកយកការអនុវត្តដ៏ល្អបំផុតមួយនៃការគ្រប់គ្រងកញ្ចប់ វិនិយោគភាគហ៊ុនដែលរួមមាន៖

• ត្រូវបែងចែកសាច់ប្រាក់ឲ្យបានត្រឹមត្រូវ

• សាច់ប្រាក់ប៉ុន្មាននិងពេលណាត្រូវវិនិយោគ

• ធ្វើខ្លួនឲ្យអ្នកក្លាយជាអ្នកជ្រើសរើសមូលបត្រយ៉ាងម៉ឺងម៉ាត់ និងវិនិយោគសាច់ប្រាក់របស់អ្នកទៅក្នុងមូលបត្រនោះ

• លក់ភាគហ៊ុនចេញដើម្បីទទួលបានប្រាក់ចំណេញ និងបញ្ឈប់ការខាតបង់ភ្លាមមុនពេលខាតច្រើន។

ជ្រើសរើសភាគហ៊ុនដែលមានលទ្ធផលល្អបំផុត ហើយយកចិត្តទុកដាក់លើវា

ការវិនិយោគក្នុងទីផ្សារភាគហ៊ុន តម្រូវឲ្យមានបណ្តាក្បួនច្បាប់និងវិន័យ។ ដូច្នេះ អ្នកវិនិយោគត្រូវតែគោរពតាមក្បួនច្បាប់និងវិន័យទាំងនោះ ទៅតាមបុគ្គលិកលក្ខណៈរបស់អ្នកសម្រាប់ជោគជ័យរយៈពេលវែង។ ចូរឲ្យទីផ្សារបង្ហាញអ្នកអំពីភាគហ៊ុនមួយណាដែលជាភាគហ៊ុនមាន សក្តានុពលខ្ពស់ជាងគេ (មិនមែនជាគំនិតយោបល់ផ្ទាល់ខ្លួនរបស់អ្នក ឬអ្នកដទៃទេ គឺថាអ្នកគប្បីឃ្លាំមើលរកភាគហ៊ុនមានសក្តានុពលខ្ពស់ជាងគេក្នុង កញ្ចប់វិនិយោគភាគហ៊ុនរបស់អ្នក និងអ្នកពិចារណាលក់នូវភាគហ៊ុនដែលអន់ចេញ ដើម្បីប្រមូលផ្តុំការវិនិយោគលើបណ្តាភាគហ៊ុនមានសក្តានុពលខ្ពស់ដែល នឹងពង្រីកនូវប្រាក់ចំណេញរបស់អ្នក ។

ប៉ុន្តែចាំបាច់ត្រូវប្រុងប្រយ័ត្នចំពោះភាគហ៊ុនណាដែលរីកធំធាត់ ខ្លាំងពេក ឬ វាហួសពេលវិនិយោគ ខណៈដែលភាគហ៊ុនឈានដល់ចំណុចកំពូលឆាប់។ សូមពិនិត្យមើលយុទ្ធសាស្ត្រមួយដែលពឹងផ្អែកលើការវិភាគបែបបច្ចេកទេស ។ ការបន្ថែមបរិមាណភាគហ៊ុនដែលមានសក្តានុពលខ្លាំងបញ្ចូលទៅក្នុង កញ្ចប់ភាគហ៊ុន និង តម្រូវឲ្យធ្វើសកម្មភាពលក់ចេញភ្លាមប្រសិនបើវាដើរខុសគន្លងនោះ នឹងធានាថា អ្នកមិនបង្វែរប្រាក់ចំណេញទៅជាខាតបង់ទេ។ ការវិនិយោគលើភាគហ៊ុនដែលឈានមុខគេ គឺជាយុទ្ធសាស្ត្រដ៏ទូលំទូលាយមួយដើម្បីបង្កើនប្រាក់ចំណេញឲ្យបាន កម្រិតអតិបរមា ខណៈដែលភាគហ៊ុនដែលឈានមុខគេ ប្រែប្រួលលឿនជាងភាគហ៊ុនដែលឈរនៅលំដាប់អន់ជាងគេក្នុងទីផ្សារ ភាគហ៊ុនដែលកំពុងងើបឡើង ។

លក់ភាគហ៊ុន (ដើម្បីទទួលបានប្រាក់ចំណេញ ឬបញ្ឈប់ការខាតបង់)

នេះប្រហែលជាការអនុវត្តន៏ខុសគ្នាពីវិនិយោគិនលើតម្លៃ ដែលមានទំនោររក្សាទុកភាគហ៊ុនដែលបានទិញក្នុងរយៈពេលវែង។

ពេលដែលអ្នករក្សាភាគហ៊ុនដែលមានសក្តានុពល អ្នកត្រូវតែគិតក្នុងចិត្តថា វាមិនអាចរក្សាសក្តានុពលនេះជារៀងរហូតបានទេ។ វានឹងឈានដល់ចំណុចកំពូល ហើយថ្លៃនឹងចាប់ផ្តើមធ្លាក់ចុះ។ ដូច្នេះ វាមានសារៈសំខាន់ដែលត្រូវយល់ដឹងអំពីវិធីនៃការលក់ភាគហ៊ុន និង រក្សាបាននូវប្រាក់ចំណេញដើម្បីភាពជោគជ័យនៃការគ្រប់គ្រងកញ្ចប់ វិនិយោគភាគហ៊ុន។

ម្យ៉ាងវិញទៀត អ្នកមិនមែនត្រូវរហូតនោះទេក្នុងការជ្រើសរើសភាគហ៊ុន ហើយពេលដែលអ្នកមានកំហុស ចូរកុំលើកយកអំណះអំណាងមកបង្ហាញ។ អ្នកគ្រាន់តែលក់ចេញនិងបញ្ឈប់ការខាតបង់ភា្លមៗក្នុងរង្វង់ពី ៧% ទៅ ៨%។ ចូរកុំឲ្យប្រាក់ចំណេញប្រែក្លាយជាការខាតបង់ធ្ងន់ធ្ង វានាំឲ្យសោកស្តាយ។

ពេលអ្នកបញ្ឈប់ការខាតបង់ភ្លាមចំពោះភាគហ៊ុនទន់ខ្សោយ ហើយទុកឲ្យភាគហ៊ុនគុណភាពល្អរបស់អ្នកកើនឡើង (ឧទាហរណ៍ពី ២០% ទៅ ២៥%) នោះអ្នកអាចនឹងទទួលបានប្រាក់ចំណេញដ៏ប្រសើរមួយពីការវិនិយោគ។ អ្នកមិនចាំបាច់ជ្រើសរើសបានភាគហ៊ុនល្អៗទាំងអស់នោះទេ ប៉ុន្តែប្រសិនអ្នកអាចជ្រើសរើសភាគហ៊ុនដែលជោគជ័យបានចំនួនបីឬបួន ប្រភេទផ្សេងៗគ្នា និង រក្សាទុកពួកវា ព្រមទាំងបញ្ឈប់ការខាតបង់ភ្លាមចំពោះភាគហ៊ុនទន់ខ្សោយ នោះអ្នកនឹងឃើញកញ្ចប់ភាគហ៊ុនរបស់អ្នកសម្រេចបានលទ្ធផលល្អប្រសើរ ពីមួយខែទៅមួយខែ ។

សង្ខេប

ការគ្រប់គ្រងកញ្ចប់វិនិយោគភាគហ៊ុន គឺជាចំណុចគន្លឹះនៃភាពជោគជ័យក្នុងការវិនិយោគរបស់អ្នក ហេតុដូច្នេះ អ្នកត្រូវតែគោរពតាមគំរូនៃការអនុវត្តក្នុងការគ្រប់គ្រងកញ្ចប់ ភាគហ៊ុន រួមមានដូចជា ៖

• ពិចារណាអំពីកម្រិតនៃហានិភ័យដែលអ្នកមានបំណងទទួលយក និងរៀបចំទម្រង់នៃបណ្តាវិធានដែលត្រូវអនុវត្តតាម និងជួញដូរទៅតាមទម្រង់នោះ

• រក្សាទុកភាគហ៊ុនដែលមានសក្តានុពលចំនួនបីឬបួន ហើយចូរកុំរក្សាទុកភាគហ៊ុនប្រភេទផ្សេងៗគ្នាច្រើនពេកដែលនាំឲ្យ កាត់បន្ថយប្រាក់ចំណេញ

• ធ្វើមធ្យមភាគថ្លៃភាគហ៊ុនកើនឡើងនៃកញ្ចប់ភាគហ៊ុនរបស់អ្នក (ការទិញភាគហ៊ុនថ្មីថ្លៃខ្ពស់ជាងមុន)

• ផ្តោតលើភាគហ៊ុនដែលជោគជ័យ និងបង្វិលទុនចេញពីភាគហ៊ុនដែលទន់ខ្យោយ

• លក់ចេញពេលដែលអ្នកឃើញសញ្ញាសំគាល់ត្រូវលក់ដើម្បីជៀសវាងនូវការបាត់បង់ប្រាក់ចំណេញច្រើន

• បញ្ឈប់ការខាតបង់ភ្លាមៗដោយពុំត្រូវយកលេសថា អ្នកនៅអាចទទួលយកហានិភ័យបាន គឺថា កម្រិតនៃការខាតបង់ពី ៧% ទៅ ៨%។

No comments:

Post a Comment

Subscribe to: Post Comments (Atom)