សូមស្វាគមន៍មកកាន់ក្រុម ឡាយអិន: យុវវ័យគួរចូលក្លឹប ឬមិនគួរ?

យុវវ័យគួរចូលក្លឹប ឬមិនគួរ?

ភ្នំពេញៈ ទន្ទឹមនឹងសម័យកាលសកលភាវូបនីយ៍កម្ម កម្ពុជាបានទទួលយកនូវការផ្លាស់ប្ដូរជាច្រើន ទាំងបច្ចេកវិទ្យា ការសិក្សាអប់រំ ក៏ដូចជាការទទួលយកនូវផ្នត់គំនិតរបស់បរទេសជាដើម។ កាលពីប៉ុន្មានទស្សវត្សមុន កម្ពុជាបានស្ថិតក្នុងស្ថានភាពខ្វះខាតមួយ ដោយសារតែសង្គ្រាម និងកង្វះខាតធនធានមនុស្ស ដូច្នេះស្ថានភាពសង្គមកម្ពុជានាជំនាន់នោះ ប្រជាជនហាក់មិនបាននឹកនាអំពីភាពឡូយឆាយប៉ុន្មានឡើយ ក្រៅអំពីការប្រឹងត្រដររស់ និងបន្ដថែរក្សាមរតកវប្បធម៌ពីដូនតា។

រូបភាពបរទេស

បើក្រឡេកមកមើលស្ថានភាពនាពេលបច្ចុប្បន្ន យើងសង្កេតឃើញថា ប្រទេសកម្ពុជាមានការអភិវឌ្ឍន៍ស្ទើរគ្រប់វិស័យ ដោយទន្ទឹមនឹងនោះវប្បធម៌បរទេសក៏បានជ្រៀតចូលក្នុងផ្នត់គំនិត ប្រជាពលរដ្ឋខ្មែរផងដែរ ជាពិសេសគឺយុវវ័យតែម្ដង។ យុវវ័យសម័យនេះហាក់ដូចជាមានភាពជ្រួលជ្រើមជាងយុវវ័យសម័យមុនខ្លាំង ណាស់ ដោយពួកគេហ៊ានបង្កើតស្នេហាទាំងវ័យក្មេងរហូតឈានដល់ការរួមភេទ ជាមួយគ្នា ហើយបន្ថែមទៅទៀតនោះ ពួកគេបានយកពេលសិក្សារៀនសូត្ររបស់ខ្លួនទៅរាំលេងកម្សាន្ដសប្បាយ នៅក្លឹប ដោយពួកគេស្លៀកពាក់បែបឡូយឆាយ ជាពិសេសក្មេងស្រីៗហ៊ានស្លៀកពាក់លេចលើលេចក្រោម រាំក្រលែងចង្កេះយ៉ាងទំនង។

តាមការសង្កេតចំនួនក្លឹបកម្សាន្ដមានការកើនឡើងគួរឲ្យ កត់សម្គាល់ ហើយមានក្លឹបមួយចំនួនបានយកផ្សារទំនើបមួយចំនួនធ្វើជាទីតាំងផង ដែរ ដើម្បីបង្ករជាភាពងាយស្រួលដល់ក្មេងៗចូលរាំកម្សាន្ដ។ ម្យ៉ាងវិញទៀត ក្លឹបកម្សាន្ដនីមួយៗប្រឹងប្រែងបង្កើននូវភាពទំនើបរបស់ខ្លួនតាម រយៈការដាក់ភ្លើងពណ៌ឆ្វេចឆ្វាច និងដាក់សម្លេងបាសឲ្យកាន់តែញ័រញាក់ដល់បេះដូងយុវវ័យភ្លើតភ្លើន ទាំងនោះថែមទៀតផង។

ការចូលក្លឹបហាក់ជាកំហុសឆ្គងមួយទៅហើយ ប៉ុន្ដែការស្លៀកពាក់របស់យុវវ័យគឺកាន់តែពិបាកនឹងថ្លែង ព្រោះដើម្បីមានភាពទាក់ទាញដល់បណ្ដាយុវវ័យដ៏ទៃទៀត ពួកគេបានស្លៀកពាក់បែបឡូយឆាយ ជាពិសេសក្មេងស្រីៗដល់ថ្នាក់ស្លៀកសម្លៀកបំពាក់ដែលមិនសមរម្យ លេចលើលេចក្រោម មានអ្នកខ្លះហ៊ានដល់បញ្ចេញគល់សុដន់ទាំងដុលដោយមិនមានភាពខ្មាស អៀនទាល់តែសោះ។

រូបភាពបរទេស

ទង្វើទាំងនេះគឺជាមោទនភាពផ្ទាល់របស់បុគ្គល ប៉ុន្ដែសង្គមទាំងមូលហាក់មិនទាន់អាចទទួលយកបាននូវឡើយ ដោយសារតែប្រជាពលរដ្ឋខ្មែរភាគច្រើននៅប្រកាន់យកប្រពៃណីដ៏ល្អផូរផង់ បន្ដពីដូនតា ហើយប្រការនេះផងដែរបានធ្វើឲ្យខូចខាតដល់កិត្តិយសក្រុមគ្រួសារផង ដែរ ត្បិតមានចាស់ៗមិនតិចទេដែលរិះគន់ដល់សកម្មភាពដ៏គឃ្លើនរបស់យុវវ័យ ទាំងនោះ ជាពិសេសគឺក្មេងស្រីៗតែម្ដង។

ថ្វីត្បិតតែក្លឹបជាកន្លែងកម្សាន្ដសប្បាយរីករាយក្ដី ក៏វាមិនបានផ្ដល់ផលល្អសម្រាប់យុវវ័យប៉ុន្មានឡើយ ដោយសារតែវាបានធ្វើឲ្យប៉ះពាល់ដល់កិតិ្ដយសក្រុមគ្រួសារទាំង ប្រយោល និងមិនប្រយោល ព្រោះសកម្មភាពក្នុងក្លឹប អាកប្បកិរិយា និងការស្លៀកពាក់របស់យុវវ័យមួយចំនួនគឺប្រៀបដូចជាក្មេងទំនើងយ៉ាង ដូច្នោះដែរ។ វិរៈ

No comments:

Post a Comment

Subscribe to: Post Comments (Atom)